Moja nona

Moja nona ima sedandeset let

ma kuha jušto za pet.

Nono se vajk nešto tuži,

ma muči kad mu skuha fuži.

Pasutice i brodet za prsti polizat,

njoki i krafi – dobri za krepat.

Kruh pod crepnjo i kobasice dve,

ča bi moglo bit bolje ?

Nono,nono!

Nemoj none niš brontuljat

jer bi ti mogla kuhat moja mat.

Karlo Ivičević

Fuži

Moja nona voli

fuži mesit,

a moja mat

hi raji gre kupit!

Nona puše: BOH MOJ,

ca  fuži ćemo jes

od kupljeneh joj!

Karlo Vlačić

Borka

Na đirine ,

va kantune

borka leži.

Pitura nji je žmarala.

Ki zno koliko je

mora stuklo i koliko

puti ribara doma dopeljala.

Matija  Glavičić

Njoki

Moja nona omesi njoki

sakeh desetak don.

Tarverša oko trbuha,

piron va rukah,

va srce volja.

Skrijen se ozoda barkona

i gledan kako ruki stišću tisto.

Sako malo nona zakanto

i va svojo mladost se torno.

Elin  Franković